Elikagaien Segurtasunerako Europako Agintaritza (European Food Safety Authority, EFSA) Europako Batasuneko agentzia bat da, 90eko hamarkadan sortua, Erakunde juridiko independentea eta oinarri juridiko propioa duena. Elikagaien eta pentsuen segurtasunari buruzko aholkularitza zientifiko-teknikoa emateko funtzioa bete ahal izateko EBko aurrekontuekin finantzatzen da.
FSA-k funtsezko eginkizuna du elikagai-kate osoaren Arriskuen azterketan. Arriskuen Analisiaren prozesuak hiru fase ditu: i) Arriskuen ebaluazioa, eragile fisiko, kimiko edo biologikoen esposizioari lotutako gizakientzako arriskua identifikatu eta karakterizatu; ii) Arriskuen kudeaketa, ebaluaziotik ateratako datuetan oinarrituta erabakiak hartzea, arriskua kontrolatzeko eta, hala badagokio, aurreikusteko; iii) Arriskuen komunikazioa, prozesuaren fase guztietako elikagaien arriskuei buruzko informazioa eragileekin trukatzea (kontsumitzaileak, industria, komunitate zientifikoa, etab.) EFSA, Elikagai-kate osoari lotutako arriskuen ebaluazioarako eta komunikaziorako erreferentzia organoa da EBrako. Kontsumitzaileentzako elikagaien segurtasun maila mantentzeko eta hobetzeko EFSAk arriskuei buruzko oinarri gisa balio duten iritzi zientifikoak garatzeaz arduratzen da. Horretarako, EFSAk arriskuen iritzi zientifikoak lantzeaz arduratzen diren aditu independenteez osaturiko Panela Zientifikoak ditu.
2012. urtetik, EFSAren Erakunde Aginpidedun Laguntzaileen Taldeko kide da NEIKER (“26. artikuluko zerrendan”). Talde hori, duela gutxi berritu ondoren, 2019an, 28 Estatu Kideek izendatutako 281 erakunde ditu, Norvegia eta Islandiaz gain. Hautagarritasun-irizpideak Batzordearen 2230/2004 (EE) Erregelamenduan ezartzen dira. Erakunde horiek EFSArekin lankidetzan aritzeko egin ditzaketen jardueren artean daude iritzi zientifikoak lantzeko prestakuntza-lana, laguntza zientifiko-teknikoa, informazio-bilketa eta sortzen ari diren arriskuak identifikatzea. EFSAk erakunde horien arteko lankidetza ere sustatzen du proiektu zientifikoen bidez.
EFSAren Espainiako Puntu Fokalak (Elikagaien Segurtasunaren eta Nutrizioaren Espainiako Agentzia – AESAN) garatzen dituen jardueren esparruan, joan den otsailaren 5ean NEIKEReko ordezkariak EFSArekin egindako Lankidetza Zientifikoaren V. Jardunaldian izan ziren. Jardunaldi hori Espainian ikerketa-funtsak EFSAren arriskuak ebaluatzeko beharrekin lerrokatzeko antolatu zen.
