2018ko azaroaren 26an albaitari medikamentuen inguruan arau sorta berriak hartu zituen Europar Batasuneko (EB) kontseiluak, (i) albaitari sendagai, (ii) pentsu medikatuen fabrikazio, merkaturatze eta erabileraren eta (iii) Medikamentuen Europako Agentziaren inguruko hiru Araudi berri jasotzen ditu.
Animalien gaixotasunak tratatzeko eta prebenitzeko EBean dauden sendagaien erabilgarritasuna handitzea da albaitari medikamentuen inguruko araudiaren helburua. Era honetan, Araudi proposamenak bereziki animalien osasun sektoreari moldatu eta sinplifikatu egiten dizkio sendagai berrien albo-ondorioen (farmakobililantzia) ikuskapena eta sendagai berri hauen merkaturatze prozedurak, gainera erresistentziei aurre egiteko helburuarekin animalietan antimikrobianoen erabilera egokiagoa egiteko esparrua ezartzen du.
EBeko produktuen segurtasun eta kalitate egokia bermatzea ditu helburu pentsu medikatuen inguruko Araudiak, gainera animalia gaixoen tratramendu hobeak lortzeko oinarriak ezartzen ditu. Proposamenak EBean pentsu medikatuen ekoizpenak eta merkaturatzeak dituzten arauak bateratu nahi ditu, honela espreski baimenduta dauden albaitari sendagaiez ekoiztutako eta baimendutako pentsuegileek egindako pentsuak bermatu nahi ditu. Araudi berriak etxe-animaliei eta ekoizpen animaliei bideratutako pentsu medikatuak barneratzen ditu. Animaliei emandako sendagaien administrazio bide hau garrantzi handikoa denez, hurrengo neurrien bidez araudiak antimikrobianoen aurkako erresistentziei aurre egitea du helburu:
• Antimikrobianoak dituzten pentsu medikatuak helburu profilaktikoekin erabiltzeko debekua
• Elikagaien ekoizpenera bideratutako animalietan erabiltzen diren eta antimikrobianoak dituzten pentsu medikatuen preskripzio eta erabileraren inguruko lege bateratuak
• Aurreikusita ez dauden printzipio aktiboen kutsadura ekiditeko baldintza bateratuak
Azkenik, Medikamentuen Europako Agentziaren sorrera ekarri zuen 726/2004 zk. Araudia moldatu egin da, albaitarien sendagaien inguruko Araudi berri honetan bikoizketak ekidin nahi dira medikamentuen kontrola eta baimen ematea prozedura zentralizatuekin eginez.
Behin Europako Kontseiluak eta Parlamentuak sinatzean, Araudiak EBeko EBeko Eguteneroko Ofizialean argitaratu dira eta hogei egun beranduago indarrean sartuko dira. Dena den, 2021aren bukaera edo 2022aren hasiera baino lehen arau berriak ez dira guztiz baliozkoak izango.
