Abelgorri medikuntza arloari buruzko azkenengo berriak

Abelgorri Medikuntza Espezialitateari buruzko Elkarte Nazionalak (ANEMBE) antolatutako XXIV. Kongresu Internazionala maiatzaren 22-tik 24ra Sevillan ospatu da. Edizio honetan behi-azienda sektoreko 763 aditu bertaratu dira; elikaduraren, animali osasunaren, esne kalitatearen, animali ongizatearen eta ustiategien gestioaren berriei buruzko jaurnaldian. Animali Osasunaren Departamentuko buruak, Joseba Garrido doktoreak, animalien osasuren inguruko bi hitzaldi eman zituen. Lehenengoan, “Paratuberkulosiaren Kontrola, zergatik ezin dugu txertoa erabili?”, gaixotasunaren orokortasunei buruz hitz egin ondoren, EHAEan aribidean urteak daraman paratuberkulosiaren kontrolari buruzko landa-azterketaren aurtengo datuak erakutsi zituen eta paratuberkulosiaren aurkako txertoaren prototipo berrien inguruan egindako aurrerapenaren berri eman zuen. Bigarren mintzaldian, “Tuberkulosiaren epidemiologia, basafauna baino gehiago” gaixotasunari buruzko orokortasunak laburtu eta espezifikoagoak diren antigenoak erabiliz, diagnostiko teknika hobetzearen garrantzia azpimarratu zuen. (gehiago…)

Read More

Etxe-animaliak eta antibiotikoekiko erresistenteak diren super-bakteriak

Antibiotikoekiko bakterio erresistenteek sortutako infekzioak albaitaritzan eta gizakion osasunean arazo larria dira, gainera arazoa antibiotikoen erabilera desegokiaren ondorioz larriagotu egiten da. Etxe-animaliak (txakurrak, katuak, akuria, etab), jabeak bezala, antibiotikoekiko erresistenteak diren bakterioekin kutsatu daitezke. Dirudienez, etxe-animalien eta jabeen arteko kontaktu estuak bakterio erresistenteen alde bitako transferentziarako baldintzak sortzen ditu. Hala eta guztiz ere ezjakintasun handia dago kutsaduraren dinamikan eta maskota-gizaki interfazean gertatzen diren aukeraketen inguruan. Galdera hauei erantzuna emateko ikertzaile talde desberdinak lanean ari diren bitartean, erresistentzien agerpena eta barreiadura gelditzeko etxe-animaliatan antibiotikoen zentzuzko erabilera egitea da aukeretako bat, horretarako albaitarien eta etxe-animalien jabeen arteko elkarlana beharrezkoa da. (gehiago…)

Read More

Hegazti-gripearen presentzian, Mycobacterium spp. eta Salmonella spp. hautematea areagotu egiten da

Hegazti basatiek sarritan eragile infekziosoak izaten dituzte. Batzuek, osasun arrisku esanguratsuak sortzeko ahalmena dute etxeko espezieei transmititzeko gai direlako eta zoonotikoak diren kasuan, osasun publikorako arazo bihurtu daitezkeelako. Mikroorganismo batzuren hautematea ostalariak beste eragile infekzioso batzuren aurrean izan dezaketen sentikortasunarekin erlazionatua izan da, ostalarien arteko transmisio patroia aldatuz eta koinfekzioa sustatuz. Halere, ezer gutxi dakigu koinfekzio hauek duten maiztasun eta basa-hegaztien gaixotasunen epidemiologian izan dezaketen inpaktuan. Infekzio natural bidezko hegazti-gripea (VIA) duten ur-hegaztiek, beste mikroorganismo batzuren iraizte handiagoarekin erlazionatzen diren zehazteko, VIArekiko positibo ziren 73 hegazti eta antzerako ezaugarriak zituzten beste hainbeste negatibo aukeratu ziren. Guztiei denbora errealeko PCR burutu zitzaien honako agenteak antzemateko; mendebaldeko virusa, tipo 1 motako hegazti-avulavirusa, Salmonella spp., Yersinia enterocolitica, Yersinia pseudotuberculosis, Mycobacterium avium-eko subespezieak, Mycobacterium tuberculosis konplexua eta Mycobacterium spp. VIArekiko positiboak ziren laginen %48-tan beste agente batzu aurkitu ziren negatiboen %23,3 (p=0.0003)-en kontra. Mycobacterium spp. eta Salmonella spp.-ren prebalentzia esanguratsuki handiagoa izan zen VIArekiko positibo ziren laginetan (%42.9 vs. %22.8; p=0.024 y %15.2 vs. %0.0; p=0.0015 hurrenez hurren). Beste agenteen prebalentzian; bilketa urte, hegaztiaren espezie eta familia, VIA subtipo eta lagin mota araberako desberdintasun adierazgarriak egon ziren. VIArekiko positibo ziren %9,6 laginetan, mikroorganismo ugari aurkitu ziren, bildutako detekzioen %20arekin bat etorri zirelarik. Bestalde, VIArekiko negatibo ziren laginetan, azterturiko mikroorganismo soil bat aurkitu zen. Honek baieztatzen du VIAren presentzian, azterturiko mikroorganismoen presentzia areagotu zela. Hau ikusirik, beharrezkotzat ikusten dugu lagin kopuru handiagoko edo egoera esperimentalean buruturiko ikerketa gauzatzea, joera honen kausalitatea aztertzeko asmoz.
Ikerketa lan hau INIAk (RTA2011-00111-C03) diruz babestutako hegazti-gripeko proiektu batean barneraturik dago. Honetan, NEIKERreko Animalia Osasun sailak SaBio – Baliabide zinegetikoetan ikerketa institutuaren IREC (CSIC-UCLM-JCCM)-en laguntzarekin parte hartzen du. Berriki, lana, Anvian Diseases aldizkarian argitaratu da artikulu moduan.

Argazkia: NEIKER – Animalia Osasun saila

Read More

Genoma osoen sekuentziazioa ingurune desberdinetan Listeria monocytogenes-ek eboluzio, moldaketa eta biziraupenarekin lotuta dituen mekanismo molekularren edo geneen deszifrapena egiteko

Listeriosia Listeria monocytogenes-ek sortzen duen gaixotasuna da, elikagaien bitartez igortzen den gaixotasun garrantzitsuenetakoa, ez horrenbeste bere intzidentziagatik (campylobakteriosia edo salmonelosiarena baina nabarmen baxuagoa baita) baina bai bere larritasunagatik. EFSAren azken txostenaren arabera, 2017an EBean L. monocytogenes-ek %98.6ko ospitalizazio-tasa eragin zuen eta %13.8ko heriotza-tasa. Gainera azken urtetan kasu kopuruak gora egiten ari direla ikusirik, osasun publikoarentzako berrindartzen ari den arriskutzat jotzen da. Bestetik bere nonahikotasun ugariak eta zepa batzuek moldatzeko, ingurune baldintza desberdinetan bizirauteko, biofilmak sortzeko eta desinfektatzaileen eragina jasateko duten gaitasunaren ondorioz, L. monocytogenes industriarentzako elikagaien segurtasuna bermatzeko erronka garrantzitsua bihurtzen da. (gehiago…)

Read More

Zer berri dago animalia tuberkulosiaren inguruan?

Animalia Tuberkulosiaren Ikerketaren II. Workshop Nazional eta I. Iberiarra apirilaren 4 eta 5ean ospatu da Caceresen. Extremadurako Unibertsitateak, Extremadurako Batzarraren Ingurumen eta Landa Kontseilaritzak eta Espainia eta Portugaleko Nekazaritza Ministerioek antolatutako jardunaldi hauek 115 interesdun bildu zituzten, ikertzaile eta administrazioetako ordezkariak batez ere. (gehiago…)

Read More

Zika birusaren kutsaduran Aedes albopictusak duen bektore gaitasuna

Aurreko astean etxe inguruetan tigre eltxoaren ugaltzea saihestu ahal izateko triptiko informatzaile bat erraztu genizuen. Aipatu genuen bezala, Aedes albopictus, asiako tigre eltxoa, gizakien hainbat patogenoren (arbobirusak) kutsapenean izan dezakeen eginkizunagatik osasun publikoarentzako garrantzi handiko espezie exotiko inbaditzailea da. Espainiak arbobirus kutsaduraren arrisku maila handienetakoa du, autonomia-erkidego batzuetan Ae. albopictusaren dentsitate altuaren eta bektore honek kutsatzen dituen gaixotasunak endemiko diren lurraldeetatik turisten etorrera handiaren ondorioz. Gure lankide den Mikel González-González de Herediak Brasilen egindako doktoratu osteko egonaldian, autonomia-erkidego desberdinetako (Euskal Herrikoak eta Balear uharteetakoak barne) Ae. albopictusen 5 populaziok Zika birusaren (ZIKV) asiako zepa batekin duten gaitasun bektoriala ikertu du. (gehiago…)

Read More

Etxean lasai egon ahal izateko triptiko bat

Aedes albopictus, tigre eltxo gisa ezagutzen dena, Asiako hego-ekialdeko gune tropikal eta subtropikaletan jatorria duen espezie inbaditzailea da. Azken hamarkadetan, Amerika, Afrika eta Europa bezalako herrialde epelak kolonizatzeko gaitasuna erakutsi du. Eltxo honek 200-400 metroko distantziara egiten du hegaz, ondorioz, edozein motako ibilgailuak erabiltzen ditu leku desberdinetara mugitu ahal izateko. Izan ere, autoen motorrek askatzen duten beroa eta CO2-ak, eltxo helduak erakartzen dituzte. Garraio globalaren hazkundea eta aldaketa klimatikoa, tigre eltxoaren hedapena bultzatu duten faktoreak izan dira. Europan, Albanian detektatu zen lehendabizikoz 1979.urtean, eta Espainian, 2004.urteaz geroztik Mediterraneotik zabalduz joan da. Euskal Autonomia Erkidegoan, 2014.urtea izan zen, eltxo hau lehendabiziko aldiz detektatu genuen urtea, Iruneko udalerrian dagoen saltoki-gune bateko parkinean, hain zuzen ere. Badirudi, apurka-apurka eltxo honen populazioa bertan ezartzen doala. (gehiago…)

Read More

NEIKERek Elikagaien Segurtasunaren Arloko Ikerketarako VI. Jardunaldian parte hartu zuen

Martxoaren 14an Elikagaien Segurtasunaren Arloko Ikerketarako VI. Jardunaldia ospatu zen, egoitza Euskal Herriko Unibertsitatearen (EHU) Donostiako Carlos Santamaria zentroa izan zen. Urtero ELIKAk antolatzen duen jardunaldi honek aurtengoan EHUren lankidetza izan du. Euskal Aunotomi Erkidegoko unibertsitate eta ikerketa zentroek landutako 7 ikerketa aurkeztu ziren saio honetan, lau bloketan banatu ziren: arrisku biologikoak, arrisku kimikoak, nutrizio-arriskuak eta elikagaien trazabilitatea. Edizio honetako berrikuntza antolatu zen kafe networkinga izan zen, honen helburua eztabaida sustatuz, proiektu berrien proposamenak bideratuz eta sektorearen arazoei konponbidea emateko elkarlanak sortuz euskal nekazaritzako elikagaien kateko eragile desberdinen arteko elkarreragina erraztea zen.

(gehiago…)

Read More

2018- Biologia Matematikoaren urtea

2018. urtea Biologia Matematikoaren Nazioarteko urtetzat jo da. Biologian eta bizitzaren zientzietan matematikaren aplikazioak duen garrantzia goraipatzea eta hauen elkarrekintzak sustatzea izan du helburutzat ospakizun honek. Sistema dinamiko eta estadistikatik hasita, populazio eta gaixotasunen zabalkuntza ereduetara doan matematikaren beharrik gabe ezin daiteke ulertu bizitzaren zientziarik. Eredu matematikoak, aldagaien arteko erlazioa hizkuntza matematikoa erabiliz, sistema edo prozesu biologiko desberdinen funtzionamendu eta egitura sinplifikatuen irudikapenak dira.

(gehiago…)

Read More

Fagoen entseguaren errendimendua ez da PCR edo kultiboarena baino hobea Mycobacterium avium subsp. paratuberculosisen presentzia esnekietan detektatzeko orduan

Paratuberkulosia gure inguruko albaitari eta abeltzainek ondo ezagutzen duten gaixotasuna da. Egia esan, mundo osoko behi aziendei erasaten dien arazo handi bat da, heuren errentagarritasuna arriskuan jarriz. Gaixotasuna sortzen duen bakterioa, Mycobacterium avium subsp. paratuberculosis (Map), infektatutako animalien okela eta esnean aurki daiteke. Map Crohn gaixotasunarekin erlazionatu da ere, gizakietan ematen den intestinoko (batez ere) hantura kronikoa alegia. Mikobakterio honek esneak jasaten dituen tratamenduak bezalako egoera bortitzei aurre egiteko eta eusteko gaitasun handia dauka. (gehiago…)

Read More