Skip to main content

NEIKERek Europako Listeria monocytogenes-en genoma osoen bilduma handienetako bat sortzen lagundu du

Listeria monocytogenes zelula-barneko patogeno fakultatibo bat da eta gizakiei nahiz animaliei eragiten dien listeriosi gaixotasun larriaren sortzailea da. L. monocytogenes nonahi dagoen bakterioa da eta hainbat txoko ekologikotan, natur eta nekazal inguruneak barne, aurki daiteke. Baserriko animaliak, bereziki hausnarkariak, L. monocytogenes-en gordailu garrantzitsu bat dira eta gorozkietan eskretatzen dutenez baserri ingurumenak kutsatzen laguntzen dute. Basafaunak bakterio honen gordailu gisa ere garrantzia du. Gainera, L. monocytogenes-ek baserriko lurzoru eta inguruneetan denbora luzez biziraun dezake. Biofilmak** sortzeko eta desinfektatzaileen ekintzari aurre egiteko gaitasuna dutenez, andui batzuk naturan (baserri) eta baita elikagaiak prozesatzen diren tokietan denboraldi luzez irauteko gai dira. Read More

Ixodes ricinus eta Ixodes inopinatus

EAEn, 19 kapar-espeziek beren zikloa naturan garatzeko baldintza egokiak dituzte. Artropodo horiek parasito hematofagoak dira eta estadioaren (larba, ninfa edo heldua) arabera, animalia handi eta txikiez elikatzen dira. Odola irensten dute eta ziztadaren bidez, agente patogeno ugari inokulatu ditzakete: birusak, bakterioak, parasitoak edo onddoak. Beraz kaparrak, eltxoekin batera, gizakien eta animalien osasunean garrantzi handia duten artropodoak dira. EAEko landaredian elikatzeko ostalari baten zain dauden akain-espezieen artean, ugaritasunagatik Ixodes ricinus espeziea nabarmentzen da. Kapar espezie hau ia urte osoan aktibo dago, baina batez ere udaberrian, udan eta udazkenean dihardu. Read More

Alfa-Gal sindromea eta kaparren ziztada

Kaparren ziztadak desatseginak izateaz gain, infekzioak transmititu eta immunitate-sisteman aldaketak eragin ditzake. Alfa-Gal (α-Gal) izeneko gluzido bat transmititzen duen kaparraren ziztada izan ohi da alfa-Gal sindromearen (SAG) jatorria. Pertsona batzuen kasuan immunitate-sisteman asaldura eragiten du eta ondoren erreakzio alergikoak ager daitezke, hauek arinak edo larriak izan daitezkeelarik. Erreakzio hauek haragi gorria edota animalia-jatorriko beste produkturen bat jan eta hiru edo sei ordu igaro ostean agertzen dira. SAG Europan, Estatu Batuetan, Australian eta Asian diagnostikatua dago, non kapar espezie ezberdinek α-Gal molekulak garraiatzen dituzten, besteak beste Ixodes ricinus espezieak, EAEn oso ugaria dena. Read More

Coxiella burnetii eta basa-fauna

Coxiella burnetii derrigorrezko bakterio intrazelular zoonotikoa da eta Q sukarra eragiten du. Naturan oso zabalduta dago eta gizakientzako infekzio-iturri ohikoenak etxe-hausnarkariak dira. Basa faunak ere bakterioaren gordailu gisa jardun dezake. Euskadin zehar duela gutxi (2011-2019 aldian) bildutako 652 basa-ungulaturen eta 218 basa-hegaztien bare-laginak, real time PCR bidez aztertu ditugu. Basa-ungulatuen artean, orkatzen % 7-an, basurdeen % 1,9-an eta oreinen % 2,4-ean C. burnetii-ren DNA detektatu zen. Read More

Mycobacterium avium subsp. paratuberculosis-ak behi-aziendan eragindako infekzioari lotutako immunogenetikari buruzko tesiaren defentsa

Joan den martxoaren 25ean, Animalien Osasun Saileko gure lankidea den Maria Canive Ruizek, bere doktorego-tesia defendatu zuen, “Mycobacterium avium subsp. paratuberculosis-ak (MAP) behi-aziendetan eragindako infekzioei lotutako markatzaile immunologiko eta genetikoak” izenekoa. Euskal Herriko Unibertsitateko (EHU/UPV) Medikuntza eta Erizaintza Fakultateko gradu-gelan egin zen defentsa. Doktorego-tesiak Bikain cum laude kalifikazioa lortu zuen eta Marta Alonso doktoreak zuzendu du, NEIKEReko Animalien Osasun Saileko ikertzaileak.
Doktorego-tesi honetan lortutako emaitzetatik atera diren bost argitalpenek informazio berria eta globala ematen dute MAP bidezko infekzioaren sentiberatasunaren eta paratuberkulosiarekiko (PTB) tolerantziaren azpian dauden mekanismo molekularrei buruz, gaixotasunaren diagnostikorako eta kontrolerako aplikazioekin. Read More

2022ko Spain One Health Summit-en parte hartu dugu

NEIKEReko Animalia Osasun Saila Bamberg Fundazioak antolatutako Spain One Health Summit 2022ra gonbidatu zuten. One Health edo Osasun bakar bat kontzeptuak gizakien, animalien eta ingurumenaren osasunaren artean dagoen elkarreraginari egiten dio erreferentzia, eta baita orekan nola egon behar duten ere, horietako edozeini besteek eragiten baitiote. Ez da ohikoa gaia batera jorratzen duten foroak, beraz, oso interesgarria izan zen jardunaldia.

Hau mahai-inguru formatuan antolatu zen. Bertan, arlo ezberdinetako adituek jardun bateratuak ezartzearen garrantziaz eztabaidatu zuten. Read More

Herritarren zientzia, Lyme borreliosia edo Lyme-ren gaixotasuna ulertzen eta kontrolatzen laguntzeko

Borrelia burgdorferi s.l. bakterioak Lyme-ren gaixotasuna eragiten du eta Ixodes ricinus EAE-en oso ugaria den kaparraren ziztadaren bitartez transmititzen da. Ziztadaren ondoren, poliki-poliki hazten den orban gorri handi bat ager daiteke (eritema migratzailea), sukarra, muskuluetako mina, artikulazioetako hantura, bihotzeko eta nerbio sistemako arazoak. Diagnostiko azkarra (sintoma bereizgarriak, kaparrekin kontaktua, antigorputzak detektatzeko odol-analisia) eta antibiotikoak dira gaixotasun honetarako konponbide eraginkorrak. Read More

Animalietan eta animalia-jatorriko elikagaietan albaitaritzako sendagaien hondakinei dagokienez, EFSAk hamarkada bateko betetze-tasarik handienak eman ditu aditzera

Albaitaritzako sendagaien eta animalia bizietan zein, animalia-jatorriko produktuetan bestelako substantzien hondakinen jarraipenaren emaitzei buruzko EFSAren azken txostenean jasotzen denez, , 2020an mailek azken urteetako joerari jarraitzen diote, eta behera egiten jarraitzen dute Europar Batasunean. Estatu kideek, Islandiak eta Norvegiak jakinarazitako 620.758 lagin eta 13 milioi emaitza inguru hartzen dituzte txosten horretan jasotako datuek. Lagin horietatik, % 53,4 Hondakinak Ikertzeko Plan Nazionalen (PNIR delakoa Espainian) zehaztapenekin bat etorriz jaso ziren; % 0,7 Kontseiluaren 96/23/EE Zuzentarauaren arabera jakinarazitako lagin susmagarriak izan ziren; % 0,4 inportazioan jasotako laginak, eta % 45,5 legedi nazionalaren arabera garatutako programen esparruan aztertutako laginak.
Read More

M. bovisen aurkako immunizazioaren ondorioak txerrietan

CSIC-INIAko aldizkarian, Spanish Journal of Agricultural Research (SJAR), “Pathogenesis of domestic pigs submitted to single or multiple mycobacterial sensitizations previous to experimental infection with a local pig isolate of Mycobacterium bovis” izeneko artikulua argitaratu berri da. Artikulu honetan, BIOTECSURek (BiotechII: EuroepAid/136-457) eta INTAk (PNBIO 113034) finantzatutako nazioarteko ikerketa-proiektu bateko emaitzak kontatzen dira eta NEIKEReko mikobakterien taldeak parte hartu zuen ikerketan. M. bovisen (MB894) andui baten patogenotasunari buruzko azterlana da, Argentinako hiltegi batean zerrien tuberkulosi-lesioetatik isolatu zen eta herrialde bereko gizakietan maiz isolatutako M. bovisen espoligotipoa (SB0153) izateagatik aukeratu zen. Azterketa INTAk Buenos Airesen dituen instalazioetan egin zen eta bi zerri-talderi egindako erronka izan zen. Horietako talde bat erronka egin baino lehentxeago behi-eta hegazti-tuberkulinekin intradermikoki sentsibilizatu zen eta beste taldea, honez gain, aldez aurretik NEIKERen beroaren bidez jarduerarik gabe utzitako M. bovis suspentsio batekin sentsibilizatu zen. Read More

Aedes spp. eltxo inbaditzaileen zaintzaren 2021ko emaitzak

2019ra arte, Aedes spp. eltxoak zaintzeko programa, Eusko Jaurlaritzako Osasun Publikoko Zuzendaritzak gidatua, – NEIKEReko Animalien Osasun Sailaren eta EAEgoko udal nagusien lankidetzarekin -, aparkalekuetan, gasolindegietan, trafiko-kontzentrazio handiko eremuetan (plataforma logistikoak eta merkataritza-guneak) ovitranpak jartzean zentratzen zen, eta horrek Ae. albopictus detektatzea errazten zuen. 2020tik aurrera, laginketa biztanle gutxiago eta industria gutxiago dituzten udalerrietara zabaldu zen, eta, horri esker, Ae. japonicus lehen aldiz detektatu ahal izan zen 4 herritan. 2021ean 10.000 biztanletik gorako udalerrietako hiri- eta hiri-inguruko eremuak ikertuz egindako laginketa-estrategiak erakutsi duenez, ikertutako 45 udalerrietatik 38 positiboak izan ziren Aedes spp. eltxoen arrautzen presentziarekin. Horrek iradokitzen du eltxo inbaditzaileak Euskadin hedatzen ari direla. Read More