Abeltzaintzan ere antibiotikoen zentzuzko erabileraren garrantziaren zergatia

Euskal Herriko Unibertsitatearen (UPV/EHU) uda ikastaroen barnean, uztailaren 18 eta 19 egunetan Plentziako Itsas Estazioan (PiE-UPV/EHU) “Ingurumenean antibiotikoekiko erresistentziak: egoera apokaliptiko baten jatorria” izeneko ikastaroa egin zen. Ikastaroaren egitarauaren barnean Ana Hurtado gure lankideak, Animalien Osasun saileko Ikertzaileak, “Abeltzaintzaren eragina antibiotikoekiko erresistentzietan” izeneko hitzaldia eman zuen. The Conversation (ISSN 2201-5639) atarian argitaraturik aurkitu daiteke (http://theconversation.com/hacia-un-uso-mas-prudente-y-responsable-de-los-antibioticos-en-ganaderia-122590) emandako hitzaldiaren laburpena, “Hacia un uso más prudente y responsable de los antibióticos en ganadería” izeneko artikuluan. (gehiago…)

Read More

Abere hausnarkarien garrantzia giza kanpilobakteriosian

Herrialde garatuetan gastroenteritisak eragiten dituen bakterio ohikoena Campylobacter bakterioa da. Bakterio honek hainbat ugaztun eta hegaztietako urdail-hesteetako traktua modu asintomatiko batean kolonizatzen du eta horren ondorioz, gizakiotan ematen diren hainbat infekziok hegazti-gordailua dute eragiletzat. Honela, kutsatutako hegaztien haragia, gizakiongan infekzio kausa nagusiena dugu. Haragi hori, gutxiegi sukaldatzeagatik, eta are gehiago, jada sukaldatutako edo tratamendu termiko gabeko beste jaki batzuekin elkar kutsatzeagatik suertatzen da infekzioa nagusiki. Hausnarkariek eragindako infekzioak, kutsatutako urarengatik eta infektatutako animaliekin zuzeneko kontaktua edukiz gero suertatzen da batez ere, eta maiztasun txikiagoan, kutsaturiko elikagaietatik (esne gordina edo tratamendu termikoaren ondoren kutsaturiko esnea eta haragia) transmititu daiteke. (gehiago…)

Read More

Abereen infekzio mikobakterianoen aurkako berezko erantzun immunologikoa

Neutrofiloak bizitza laburreko zelula eraginkortzat hartu dira, patogenoak fagozitizatzeko gai direnak. Zelula immunologiko hauek mikroorganismoak harrapatu eta hiltzen dituzte oxigeno espezie erreaktiboen, jarduera antimikrobiano indartsuak dituzten entzima litikoen eta zelulaz kanpoko tranpak izeneko egituren bidez. Netrofiloak mikobakterioen infekzio lekuetan daudela jakin arren, mikobakterien aurka jokatzen duten defentsa papera ez dago guztiz garbi. Gai honetan sakontzeko eta bere doktorego prestakuntzaren baitan, Iraia Laderok, gure lankideak, 3 hilabeteko egonaldia egingo du Erresuma Batuko Royal Veterinary College-n.

Royal Veterinary College-k egindako ikerketek mundu osoan zehar eragina dute, gizakien eta animalien osasunean eta ongizatean, batez ere. Hilabete hauetan Iraiak Dirk Werling doktorearen gainbegirapean lan egingo du. Professor Werlingek, immunologia molekularrean adituak, animalia espezie desberdinetan berezko immunitate-erantzunaren ontogenia ikertzen duen taldea zuzentzen du immunitate naturalaren mekanismoak zehazteko helburuarekin. Sortutako ezagutzak etorkizunean ekoizpen animalientzako txerto berriak diseinatzeko balio dezake. (gehiago…)

Read More

Animalien genetikan oinarritutako ikerketen berriak

Uztailaren 7tik 12ra Animalien Genetika Sozietate Internazionalaren 37. hitzaldia ospatu da (ISAG2019) Lleida-ko La Llotja Konbentzio zentroan. Mintzaldiak 61 herrialdetako 748 partaide bildu ditu, guztira 662 kontribuzio zientifiko aurkeztu direlarik. Biltzarrean hausnarkarien genetika eta genomika, erantzun immunitarioaren genetika eta gaixotasunen aurkako erresistentzia, genomika konparatua eta funtzionala, genetika forentsea, mikrobioma eta animalia espezieen edizio genetiko arloko ikerkerketaren azkenenengo emaitzei buruz eztabaidatu zen, besteak beste.

(gehiago…)

Read More

Animalien Osasun Saileko Campylobacter-aren inguruko Tesiaren defentsa

Animalien Osasun Saileko lankidea den Medelin Ocejok datorren uztailaren 23an bere Doktorego Tesiaren defentsa izango du, lanaren izenburua “Epidemiology of Campylobacter infection: Distribution in domestic ruminants in the Basque Country. Effect of age, breed and diet on chicken caecal microbiota and Campylobacter colonization” da. Defentsa Euskal Herriko Unibertsitatearen (UPV/EHU) Medikuntzako Fakultatean izango da eta nazioarteko modalitatean izango denez defentsa osoa ingelesez izango da.

Tesi lana 3 ikerlanez osaturik dago, hauek ikerketa artikulu bana sortzeko aukera eman dute sarbide askeko zientzia aldizkarietan eta berri honen esteken bidez ikus daitezke. Lehenengo ikerketan, hamarkada batez bereizitako bi denboralditan, EH-ko hausnarkarien ustialekuetan Campylobacter jejuni-k eta Campylobacter coli-k izandako prebalentziaren eta antimikrobianoekiko sentikortasunaren gaiak lantzen dira. Bigarren ikerlanak broilerren dietari gehigarri desberdinak, kate motzeko gantz azido bat (kaltzio butiratoa) edo esne seruma, gehitzearen efektuak aztertu ziren. Honek parametro emankorren eta animalien heste-integritatearen hobetzea ekarri zuen baina Campylobacter-aren kutsadurari aurre egiteko inolako efektu babeslerik ez zuen erakutsi. Azkenik, hirugarren ikerketan bi oilasko arrazen (broiler eta landa oiloen) heste itsuaren mikrobiotaren osagarriak ikertu ziren ekoizpen adin desberdinetan. Adinaren eta mikrobiotaren arteko lotura estua aurkitu zen, kasu guztietan landa oilaskoen mikrobiota broilerrena baino aberatsago eta ezberdinagoa izanik.

Medelinek bere trebakuntza denboraldian (2015-2019), Euskal Gobernuaren Ekonomiaren Garapen eta Azpiegituren sailaren doktorego aurreko diru laguntza jaso du. Lan guzti hau INIAren (RTA2013-00086-00-00) eta Eskualde Garapenerako Europako Funtsaren (FEDER) finantziazioari esker ahalbidetu da. Doktorego Tesia Ana Hurtado Doktorearen gainbegirada eta zuzendaritzapean egin da.

Azalpen eta defentsan zorte handia opa diogu Medelini eta urte hauetan egindako lanarengatik zoriontzen dugu. ZORIONAK eta ZORTE ON Medelin!

Read More

Rakel Arrazuria doktoregoko sari bereziaren jabe

Rakel Arrazuriaren “Mycobacteria in rabbits: Searching for an efficient paratuberculosis infection model”, doktore tesiari, EHUko Graduondoko Batzordeak, Osasun zientzia saileko 2016/2017 ikasturteko doktorego sari berezia eskaini berri dio, argitarapenean ikus daitekeen moduan.
Lan hau NEIKERreko Animalia Osasun sailean burutu zen, Natalia Elgezabal eta Ramón Juste doktoreen ikuskaritzarekin eta MINECO (AGL2012-39818-CO2-02-“Paratuberkulosiko patogenia eta inmunizazio ereduen garapena”) eta Eusko Jaurlaritzako DEUI diru laguntzari esker. NEIKERreko bere trebakuntza ondoren, Canadako Calgaryko unibertsitatean, doktoretza ondoko “dermatitis digitalean treponemen parte-hartzea” ikerlanean aritu da. Irailean doktoretza ondoko beste aro bat hasiko du Texaseko Unibertsitatean (University of Texas Medical Branch). Bertan, tuberkulosi aurkako txertoaren inguruan arituko da 3 urtetan zehar. Guzti honegatik, zorionak eman eta bere ibilaldi zientifikoan ahalik eta zorte hoberena opa diogu. ZORIONAK eta ZORTE ON, Rakel!

Read More

Animalia Osasun saileko doktoretza tesi defentsa

Uztailaren 4ean Animalia Osasun sailean lankide den Miriam Serranok “New perspectives on bovine tuberculosis diagnostics and control based on experimental infections” izenburua duen Doktoretza Tesia defendatuko du. Defentsa Euskal Herriko Unibertsitateko (UPV/EHU) Gasteizeko Farmazia fakultatean egingo da nazioarteko modalitateari jarraituz, ingeles hutsean.
Doktoretza Tesi honetan 3 ikerkuntza artikulu publikatu dira sarrera libreko aldizkarietan (artikuluak berri honetan agertuko diren link-ak klikatuz kontsultatu daitezke). Lehenengo artikulua, paratuberkulosiaren aurkako txertoak behi tuberkulosiaren diagnostikoan eragiten duen interferentziari buruzkoa da. Bigarren artikuluan, proba pilotu batean paratuberkulosiaren aurkako txertaketak behi tuberkulosian duen efektua frogatu dela kontatzen du. Azkenik, hirugarren artikuluan, txahaletan Mycobacterium bovis bakterioaren sarrera-bideak duen garrantzia gaixotasunaren lesioen banaketari dagokionez azpimarratzen da.
Bere formakuntza aldian zehar, Miriamek Eusko Jaurlaritzako Hezkuntza eta Unibertsitate saileko doktoretza aurreko beka bat jaso zuen (PRE_2015_2_0080) eta bere lan guztiak MINECOk berak emandako diru-laguntzari esker eraman ahal izan ditu aurrera (AGL2008-05820-C02-01GAN eta AGL2014-56305-C3-3-R). Doktoretza Tesiaren zuzendariak NEIKERen Animalia Osasun Saileko Joseba Garrido Doktorea eta Ramón Juste doktorea izan dira.

Zorionak Miriam egindako lan guztiagatik eta zorte on tesiaren aurkezpenean eta defentsan!

Argazkia: NEIKER- Animalia Osasun Saila

Read More

Mikobakterioek sortutako erreakzioen arteko desberdintasunen bila: Tuberkulosia eta paratuberkulosia

Irakurle askok dakizuen moduan, paratuberkulosia munduan zehar barreiatuta dagoen hausnarkarien gaixotasuna da. Gaitz honen agente patogenoa Mycobacterium avium subp. paratuberculosis (Map) izeneko bakterioa da. Animali gaixoen gorozkien bidez ingurunera kanporatzen da, beste animaliak kutsatzeko era nagusia aho bidezkoa izanik. Gaixotasuna pairatzeko sentikorrenak 6 eta 12 hilabeteko adina duten animalia gazteak dira. Alabaina, normalean gaixotasunaren lehenengo sintomak ez dira animaliak gazteak direnean agertzen, baizik eta behiaren lehenengo edo bigarren erditzearen ostean.
Paratuberkulosiaren prebalentzia zehatza jakitea oso zaila da, orain arte egindako laginketak adierazgarriak ez direlako eta animali gaixotuak detektatzeko hainbat metodologia erabili direlako. Hala ere, duela gutxi herrialde garatuenetan prebalentzia ezagutzeko ikerketaren emaitza argitaratu da, NEIKERen parte-hartzearekin. Egindako balioztapenaren arabera, aztertu ziren 48 herrialde garatuen batez besteko animali-taldeko prebalentzia %40a da.
Paratuberkulosiaren eraginez, animalien esne produkzioak behera egiten du, animaliak argaldu egiten dira eta beste gaixotasun batzu harrapatzeko aukerak handiagotzen dira; esaterako, mastitis edo infertilitate kasuek gora egiten dute. Hori guztia kontuan izanik, paratuberkulosiak dakarren galera ekonomikoa, gaixotasunaren fase subklinikoan, behi eta edoskitze bakoitzeko 150-250 eurotan zenbatetsi dute. (gehiago…)

Read More

Udara heldu da eta berarekin batera akainak eta eltxoak

Urte-sasoi honetan Rhipicephalus akaina aktibo aurkitzen da, landareetan bere presentzia ugariagoa da eta horren ondorioz abelgorriei egindako ziztadak gora egiten dute. Akaina espezie hau hainbat patogenoren bektore izan daiteke, horien artean aurkitzen da esaterako Babesia ovis, ardiei eragiten diena. Urte garai honetan, udaberri amaieran eta udara hasieran, akainen infestazio bat sukar, anemia eta hemoglobinuriarekin batera azaldu ezkero babesiosi kasu baten adierazgarria izan daiteke. Kasuaren baieztapenak laborategiaren euskarria behar du eta zorionez tratamendu eraginkorra duen gaixotasuna da.
Rhipicephalus akainak pertsonak ere ziztatu ditzake eta Rickettsia conorii bakterioa edo beste rickettsia espezie batzuk kutsatu, garrantzi desberdineko sintoma klinikoak sortzen dituzten bakterioak dira. (gehiago…)

Read More

2019ko ardi erditze-garaian (EEA) eman diren ume-galtze zergatien azterketa txostena

Garrantzitsua da oso, hurrengo erditze-garaian kontrol neurriak ezartzeko orduan, hausnarkari txikien ustiategietan ume-galtze zergatia ezagutzea, batik bat patogenoa zoonotikoa bada. Animalia Osasuneko Departamentuko diagnostiko laborategian 20 ume-galtze; fetu, karen, baginako fluxu edo/eta serum laginak jaso dira, emaitzak honako hauek izanik:

Toxoplasma gondiigatik ume-botatzea (5 kasu), Border diseasegatik (kasu 1), Listeria ivanoviigatik (2 kasu), ume-galtze paratifikoa (Salmonella abortus ovis) (kasu 1) eta Q sukarra bidezkoa (1 kasu). Lau artaldeetan Boder birusaren aurkako seroprebalentzia handia ikusi da eta beste bitan T.gondii aurkako titulu serologiko altuak, honekin, ustiategi hauetan duela gutxiko abortu eragile hauen presentzia ondoriozta daitekeelarik. (gehiago…)

Read More