Animalia Osasuneko Espainiar plataforma Teknologikoak (Vet+i), joan den Apirilak 5an, animalia osasunaren berrikuntza lanei zuzenduriko Isabel Mínguez Tudela aurtengo saria “EMDIAR: animalia tuberkulosiaren kontrako inmunoestimulatzailea” lanari ematea erabaki zuen. Sari hau, estatu mailako Animalia Osasun sailean emaitza trasferigarri hoberenari zuzendurik dago. NEIKERreko animalia saileko mikobakteria taldeak garatutako lana dugu berau, IREC (Baliabide Zinegetiko Ikerketa Institutua) barnean dagoen Osasun eta Bioteknologia taldeko (SaBio) eta Madrilgo Unibertsitate Konplutenseko Albaitari-osasun zaintza guneko (VISAVET) lan taldeekin elkarlanean. Ramon Juste Doktorearengan pertsonifikatu da saria.
Tuberkulosiaren aurkako borrokak gastu ekonomiko handia suposatzen du eta animalia osasuneko ikerkuntza alorrean erronka garrantzitsuenetarikoa bilakatu da. Albaitari-osasunean, hainbat eskualdeetako buruhauste nagusiena da, …kutsaturiko hainbat espeziek parte har baitezakete, beraz, batipat animalia basati eta abere arteko interfaze horretan, zaila izan ohi da tuberkulosia etetea. Hortaz, Penintsulako Erdialde-mendebaldean eta beste herrialde batzuetan gertatzen den moduan, tuberkulosia kontrolatzeko ikuspegi berri baten beharra, ezinbestekotzat jotzen da.
Saria, jada 5. edizioari dagokiona, hurrengo ekainean, hilak 1an banatuko da Madrilen, Vet+i-k urtero antolatzen duen VIII. batzarrean. Aurten “Berrikuntza; Animalia Osasuneko etorkizuneko gako moduan” jardungo dira. Sari honen bidez Vet+i-k animalia osasun mailako I+D+i-a aintzakotzat hartu, sustatu eta bultzatu nahiko luke, lehiakortasun, internalizazio, hazkunde ekonomiko eta enplegu sorrerantz bideratuz.
Aurreko edizioetan saritutako lanak hauexek izan dira:
I. edizioa (2012) “Zerri Izurrite Afrikarraren antigorputz espezifikoak “in situ” detektatzeko lehen landa testa (pen-side test)”. María Luisa Arias, María del Carmen Gallardo eta bere lan-taldea (CISA-INIA), INGENASA enpresarekin bat.
II. edizioa (2013) “Neospora caninum-ek behi-aziendan eragindako infekzioaren aurkako txerto bizi baten garapena, naturalki ahuldutako NC-Spain 1H isolaketa erabiliz”. Luis Miguel Ortega Mora eta bere lan-taldea (SALUVET), HIPRA S.A. laborategiarekin bat.
III. edizioa (2014): “Sukar Aftosaren aurkako txerto peptidiko sintetikoa”. Esther Blanco (INIAko Animalia Osasuneko Ikerkuntza zentrua) eta Francisco Sobrino (Severo Ochoa Biologia Molekularreko zentrua-CSIC), Virbac enpresarekin bat.
IV. edizioa (2015): “Untxien gaixotasun-hemorragiko (RHDVb), birus variante berriaren identifikazio eta karakterizazioa: Diagnostiko berriak eta txertoak”. Francisco Parra Fernández eta Asturiasko Bioteknologi- unibertsitate institutuko lan taldea (Oviedoko Unibertsitatea).
Isabel Minguez Tudela (1956-2011) albaitari ikertzaile hau, Europatik Animali-Osasun alorreko I+D+i langile eta bultzatzaile amorratua izan zen. Bruselako DGn ikerkuntza eta berrikuntza batzordeko Senior Scientific officer lanpostua izan zuen 1996 urtetik aurrera.
